"Chelsi" bosh murabbiyi Tomas Tuxel "ko‘klar" yarim himoyachisi Saulni ijtimoiy tarmoqlardagi muxlislar tanqididan himoya qildi.

«Saul o‘zini «Atletiko»dagidek rol o‘ynayotganini his qilyaptimi, xuddi shunday mas’uliyatni his qilyaptimi? Balki yo‘q. Ha, Saulning muammolari bor. U Premyer-ligada muammolarga duch kelgan birinchi futbolchi emas.

Biz futbolchilarimizni himoya qilamiz, men hamisha futbolchilarimni himoya qilaman. Muxlislar tomonidan uni tanqid qilish noo‘rin deb o‘ylayman. Odamlar uning o‘yinidan norozi ekanini tushunaman, lekin muxlislarning bu munosabati ijtimoiy tarmoqlardan foydalanmasligimning sabablaridan biri. Men faqat Saulning o‘zi bularning barchasini Internetda o‘qimaydi deb umid qilaman. U nimada yaxshiroq bo‘lishi kerakligini biladi, buning uchun hamma narsani qiladi. Hozir uning muammolari bor, lekin biz unga maydonda eng yaxshi rolni topishga harakat qilyapmiz», - deya Tuxel so‘zlarini keltiradi Goal.

"Chelsi" Saulni shu yilning avgust oyida "Atletiko"dan sotib olish opsiyasi bilan ijaraga olgandi. 2021/22 yilgi mavsumda ispaniyalik “ko‘klar” safida 9 ta o‘yin o‘tkazdi va samarali harakatlari bilan ajralib turmadi.