«Bavariya» hujumchisi Robert Levandovski Yevropa chempionlar ligasining joriy mavsumida g‘oliblikka da’vogarlar haqida o‘z fikrini bildirib o‘tdi.

«Men uchun «Liverpul», «Manchester Siti», «PSJ», «Real», «Chelsi» va biz favorit hisoblanamiz. Pley-off bosqichining dastlabki o‘yinlari fevral oyida bo‘lib o‘tadi. U vaqtgacha ko‘p narsa o‘zgarishi mumkin. Ammo ayni paytda mazkur 6 jamoa boshqalardan ustun ko‘rinishmoqda», — dedi Levandovski.

Eslatib o‘tamiz, "Bavariya" YECHLning nimchorak final bosqichida «Zalsburg» bilan to‘qnash keladi.