Madridning “Atletiko” klubi himoyachi Kiran Trippyer bo‘yicha takliflarni yanvar oyidagi transfer oynasida ko‘rib chiqishga tayyor. ESPN xabariga ko‘ra, “matraschilar” futbolchi uchun tovon puli miqdori haqida qaror qabul qilishgan.
Ispaniya klubi Trippyer uchun kamida 22 million yevro taklif qilinsa, uni sotishga tayyor. Kiran xizmatlariga “Manchester Yunayted”, “Nyukasl” va Londonning “Tottenxem” klublari qiziqish bildirmoqda.
Angliyalik futbolchining “Atletiko” bilan shartnomasi 2023 yilning yoziga qadar amal qiladi. Transfermarkt portali ekspertlari uning narxini 20 million yevroga baholamoqda.
Himoyachi joriy mavsumda La Ligada 14 ta o‘yin o‘tkazdi.
