Bir haftadan so‘ng ko‘plab chempionatlarda qishki transfer oynasi ochiladi. Klublar hozirdanoq shartnoma tuzishlari mumkin, ammo 1 yanvardan keyin (Italiya va Ispaniyada - 3 yanvardan keyin) yangi o‘yinchilarni ro‘yxatga kiritish imkoni bo‘ladi. Bugun stadion.uz qishda klublari almashish ehtimoli yuqori bolgan bir-nechta futbolchi haqida so‘z yuritadi.
Sardor Azmun
Eronlik futbolchini “Zenit”da ushlab turadigan hech narsa qolmadi. Rus saytlari ham Azmunnig ketishini yozmoqda. Ammo Fransiyaning “Lion” klubi endi futbolchi uchun yagona da’vogar emas. SKY Sport xabariga ko‘ra, eronlik futbolchi "Nyukasl”ning kuzatuv doirasiga tushib qolgan. Ingliz klubi turnir jadvalida oxirgi o‘rinda bormoqda va Azmun jamoasining hujumini kuchaytira olishiga ishonmoqda. 2021/2022 yilgi mavsumda eronlik futbolchi “Zenit” safida 21 ta o‘yinda maydonga tushib, 10 ta gol urib, 5 ta golga assistentlik qilgan.
Aleksey Miranchuk
Oktyabr oyida Miranchukning agenti qishda «Atalanta» futbolchisini boshqa italyan klubiga ijaraga berish haqida bosh qotirayotganini aytgandi. Rossiyalik futbolchining xizmatlariga “Verona” va “Jenoa” klublari qiziqish bildirmoqda, deb xabar beradi TuttoAtalanta. Manbaga ko‘ra, "Atalanta" futbolchini sotib olish sharti bilan ijaraga bermoqchi. Ayni damda "Verona" yarim himoyachini qo‘lga kiritish uchun kurashda Andriy Shevchenko jamoasiga qaraganda yaxshiroq vaziyatsa. Joriy mavsumda Miranchuk maydonda 397 daqiqa o‘tkazib 1tadan gol va golli uzatmani amalga oshirgan.
Ferran Torres
Torres "Barselona" futbolchisi bo‘lishi aniq bo‘lib ulgurdi. ESPN.GBning yozishicha, tomonlar 55 million yevro va bonus sifatida 10 million yevroga kelishib olishgan. Transferni amalga oshirish uchun “Barselona”, jamoadagi futbolchilarning maoshini tushirishi kerak. Jurnalist Fabrisio Romanoning yozishicha, Torresning shartnomasi 5 yilga mo‘ljallangan. Klublar o‘rtasidagi muzokaralar faktini Xosep Gvardiola tasdiqladi. 2021/2022 yilgi mavsumda vinger yettita o‘yinda uchta gol va ikkita golli uzatmani amalga oshirgan.
De Ligt
"Yuventus" himoyachisi faoliyatidagi yangi qadamni tashlash tayyor, dedi uning agenti. The Sun xabariga ko‘ra, Londonnig “Chelsi” klubi niderlandiyalik uchun jiddiy qiziqish bildirmoqda. Klub Mino Rayolaning so‘zlaridan keyin o‘ziga xos faollik ko‘rsata boshladi. Tuhel jamoasiga yangi himoyachilar kerak, chunki "Chelsi"ning Rudiger, Aspilikuyeta va Tiago Silva bilan shartnomasi shu yozda tugaydi. Ularning aksariyati jamoadan ketish istagida. "Yuventus" uchun de Ligt joriy mavsumda barcha turnirlarda 20 ta o‘yin o‘tkazgan.
Andre Onana
Yanvar oyi boshida “Ayaks” darvozaboni “Inter” bilan shartnoma imzolaydi. Ammo u yangi klubiga faqat 2022 yilning iyun oyida qo‘shiladi (erkin agent sifatida). “Barselona” tarbiyalanuvchisi Niderlandiya klubida joriy mavsum barcha turnirlarda 22 ta o‘yin o‘tkazdi, shundan 10 tasida darvozasi dahlsizligini saqlab qoldi. Kataloniya jamoasi darvozabonni qaytarish haqida o‘ylayotgandi, ammo moliyaviy muammolar ko‘plab yulduz futbolchilar bilan shartnoma imzolashga imkon bermayapti.
Mirjalol Pardaboyev tarjimasi
