Premyer-liga klublari daniyalik yarim himoyachi Kristian Eriksenga qiziqish bildirmoqda, deb xabar beradi Daily Mail.
Manbaga ko‘ra, futbolchi mashg‘ulotlarni qayta boshlagan va katta futbolga qaytishni istamoqda. Qayd etilishicha, futbolchi yanvar oyidan klublardan biri bilan guruh mashg‘ulotlarini boshlamoqchi.
Eslatib o‘tamiz, 17 dekabr kuni Italiyaning “Inter” klubi Eriksenning jamoadan ketishini e’lon qilgan edi. Tomonlar o‘zaro kelishuvga ko‘ra shartnomani bekor qilishdi, chunki A seriya qoidalariga ko‘ra, yarim himoyachi defibrilator bilan o‘ynay olmaydi.
