Londonning “Chelsi” klubi bosh murabbiyi Tomas Tuxel jamoa himoyachisi Antonio Ryudigerning joriy mavsum yakuniga qadar tuzilgan shartnomasi borasidagi vaziyat haqida gapirdi. Futbolchining vakillari allaqachon boshqa klublar bilan muzokara olib borishlari mumkin.
“Kelajakni qanday bashorat qilishni bilmayman, uning agentlari boshqa jamoalar bilan muloqot qilishganmi yoki yo‘qmi, bilmayman, agar bu haqda bilsangiz - yaxshi.
Albatta, bu mumkin, chunki yanvar oyi va u hali biz bilan yangi shartnoma imzolamagan. Lekin, tushunishimcha, klubimiz u bilan muzokara olib bormoqda. Antonio mening talablarimni yaxshi biladi, u bilan ishlash imkoniyatini qadrlashimni biladi.
Uning o‘yin darajasi hali ham nihoyatda yuqori va u ajoyib. Vaziyat shu sababli xavotirli ekanligiga shubha yo‘q.
Mening nuqtai nazarim malum va klub natijaga erishish uchun bor kuchini sarflayapti, muzokaralar olib bormoqda", - dedi germaniyalik mutaxassis.
