“Barselona”ning uch nafar futbolchisi COVID-19 kasalligidan tuzalib, mashg‘ulotlarni davom ettirishdi. Bu haqda Kataloniya klubi rasmiy sayti xabar berdi. Serjinyo Dest, Gavi va Alexandro Balde koronavirus uchun topshirgan testlari salbiy natija ko‘rsatdi.
Shuningdek, “Barselona” himoyachi Ronald Arauxoning qo‘lining suyagi singanidan so‘ng operasiya qilingani haqida ham jamoatchilikka ma’lum qildi. 22 yoshli urugvaylik futbolchining tiklanish vaqti aytilmagan.
Ma’lumot o‘rnida, “Barselona” 8 yanvar navbatdagi o‘yinini o‘tkazadi. Xavi shogirdlari Ispaniya chempionati doirasidagi safarda “Granada”ga qarshi maydonga tushadi.
