“Барселона”нинг уч нафар футболчиси COVID-19 касаллигидан тузалиб, машғулотларни давом эттиришди. Бу ҳақда Каталония клуби расмий сайти хабар берди. Сержиньо Дест, Гави ва Алехандро Бальде коронавирус учун топширган тестлари салбий натижа кўрсатди.
Шунингдек, “Барселона” ҳимоячи Роналд Араухонинг қўлининг суяги синганидан сўнг операция қилингани ҳақида ҳам жамоатчиликка маълум қилди. 22 ёшли уругвайлик футболчининг тикланиш вақти айтилмаган.
Маълумот ўрнида, “Барселона” 8 январь навбатдаги ўйинини ўтказади. Хави шогирдлари Испания чемпионати доирасидаги сафарда “Гранада”га қарши майдонга тушади.
