«Bavariya» hujumchisi Tomas Myuller Germaniya chempionatining 18-turidan o‘rin olgan Myunxengladbaxning «Borussiya»siga (1:2) qarshi o‘yin haqida gapirdi.
«Umuman olganda, bugun omad biz tomonda emasdi. Birinchi bo‘lim biroz g‘alati o‘tdi. O‘ylaymanki, 25 daqiqa davomida o‘yinni to‘liq nazorat qildik. Ular kutilmaganda hisobni tenglashtirishdi, oxiriga kelib esa biz to‘pni tez-tez berib qo‘ydik. Himoyada juda passiv edik. To‘p yo‘qotilganiga qaramay, biz ko‘p vaziyatlar yaratdik va uch marta aniq zarba berdik», - deya Myullerning so‘zlarini keltiradi klub rasmiy sayti.
«Bavariya» 43 ochko bilan turnir jadvalida birinchi, «Borussiya» 22 ochko bilan 12-o‘rinda bormoqda.
