«Бавария» ҳужумчиси Томас Мюллер Германия чемпионатининг 18-туридан ўрин олган Мюнхенгладбахнинг «Боруссия»сига (1:2) қарши ўйин ҳақида гапирди.
«Умуман олганда, бугун омад биз томонда эмасди. Биринчи бўлим бироз ғалати ўтди. Ўйлайманки, 25 дақиқа давомида ўйинни тўлиқ назорат қилдик. Улар кутилмаганда ҳисобни тенглаштиришди, охирига келиб эса биз тўпни тез-тез бериб қўйдик. Ҳимояда жуда пассив эдик. Тўп йўқотилганига қарамай, биз кўп вазиятлар яратдик ва уч марта аниқ зарба бердик», - дея Мюллернинг сўзларини келтиради клуб расмий сайти.
«Бавария» 43 очко билан турнир жадвалида биринчи, «Боруссия» 22 очко билан 12-ўринда бормоқда.
