«Ceara» prezidenti Robinson de Kastroning aytishicha, Braziliya klubiga «Salernitana»ning 38 yoshli yarim himoyachisi Frank Riberi taklif qilingan.

«Ular menga qo‘ng‘iroq qilishdi va Riberini taklif qilishdi. Men uning hali ham o‘ynayotganini bilmasdim. Biz uni olishga harakat qilamizmi? Men bilmayman», - deydi de Kastro.

Eslatib o‘tamiz, Riberi 2021 yilning sentyabrida «Salernitana» futbolchisiga aylangandi. Fransiyalik futbolchining klub bilan shartnomasi bir yilga tuzilgan. Joriy mavsumda Riberi Italiya A Ceriyasining 12 ta uchrashuvida ishtirok etdi va 2 ta golli uzatmani amalga oshirdi. Bungacha Riberi «Brest», «Galatasaroy», «Marsel», «Bavariya», «Fiorentina» kabi klublarda o‘ynagan.

«Salernitana» 18 uchrashuvda 8 ochko to‘pladi va A Seriya turnir jadvalida so‘nggi, 20-o‘rinni egallab turibdi.