Bugun yaxshi o‘yinlar bor. Ulardan biri Ispaniya chempionatida "Granada" va "Barselona" o‘rtasida o‘tkaziladi. Sarlavhani ko‘rib tushundingiz, bu boshqa Luis Suares, kolumbiyalik. Biroq u ayni vaqida urugvaylikdan qolishmaydigan darajani namoyish etmoqda. "Barselona" baribir favorit, tushunarli, shunday bo‘lsada Xavi jamoasi so‘nggi g‘alabalarni qon bilan qo‘lga kiritmoqda. Ya’ni qiynalib.

Suares yagona muammo emas. "Granada"ni ancha talantli murabbiy Robert Moreno boshqaradi. Ashaddiy muxlislar uning "Barsa"da ishlab ketganini biladi. Moreno ancha vaqt Luis Enrikening yordamchisi sifatida faoliyat olib borgan. "Roma", "Selta", "Barselona" va Ispaniya terma jamoasida ular birgalikda ishlashgan. Keyin Moreno ajralib chiqib individual faoliyatni boshladi. Asli kataloniyalik murabbiy taktika ustasi hisoblanadi. Bu mavzuda turkum kitoblar muallifi. Nomi 4-4-2. U qanday taktikani yaxshi ko‘rishini kitob nomidan tushunsak bo‘ladi. Murabbiylikdan avval video-tahlilchi bo‘lgan. Granada uning uchun sinov zonasi. Tarkib kuchli emas, katta natijalardan umid yo‘q. Favoritlarning biroz qonini ichishi mumkin holos. Mana yana bir imkoniyat.

"Barselona" hamon to‘liq tarkibda emas. Jarohat olganlar va kovidchilar bor. Asosiylardan Depay, Dest va Gavi qaytgani ijobiy holat. Dembele va Lyuk de Yong esa formaga tushib olishdi. Xavi Superkubok klasikosi oldidan rotasiya qilishi ham mumkin. Hozircha shu ma’lumotlarni qabul qilasiz, qolganini 22:30 da Futbol kanalida bo‘ladigan translyasiyada gaplashamiz.

Davron Fayziyev.