"Lasio" "Chelsi" darvozaboni Kepa Arrisabalagani kuzatishda davom etmoqda, deb xabar beradi "Football Italia".

Eslatib o‘tamiz, “Lasio”ni hozirda oldin “Chelsi”da Arrisabalaga bilan ziddiyatga ega bo‘lgan Maurisio Sarri boshqaradi.

Ma’lumot uchun, Sarri 2018/2019 yilgi mavsumda "Chelsi"ni boshqargan. "Manchester Siti" bilan Liga kubogi finalida italiyalik murabbiy jarohati borligi aytilayotgan Kepani penaltilar seriyasidan oldin almashtirmoqchi bo‘lgan, biroq ispaniyalik darvozabon o‘zining yaxshi ekanini tushuntirib, maydonni tark etishdan bosh tortgan. Natijada “Chelsi” penaltilar seriyasida mag‘lub bo‘lgandi. Arrisabalaga esa xatti-harakati uchun bir o‘yinga diskvalifikasiya qilindi. U murabbiydan uzr so‘radi.

Kepaning "Chelsi" bilan shartnomasi 2025 yilgacha mo‘ljallangan. Premyer-liganing joriy mavsumida u 4 ta o‘yinida qatnashib, o‘z darvozasidan 2 ta gol o‘tkazib yubordi.