"Лацио" "Челси" дарвозабони Кепа Аррисабалагани кузатишда давом этмоқда, деб хабар беради "Football Italia".

Эслатиб ўтамиз, “Лацио”ни ҳозирда олдин “Челси”да Аррисабалага билан зиддиятга эга бўлган Маурицио Сарри бошқаради.

Маълумот учун, Сарри 2018/2019 йилги мавсумда "Челси"ни бошқарган. "Манчестер Сити" билан Лига кубоги финалида италиялик мураббий жароҳати борлиги айтилаётган Кепани пенальтилар сериясидан олдин алмаштирмоқчи бўлган, бироқ испаниялик дарвозабон ўзининг яхши эканини тушунтириб, майдонни тарк этишдан бош тортган. Натижада “Челси” пенальтилар сериясида мағлуб бўлганди. Аррисабалага эса хатти-ҳаракати учун бир ўйинга дисквалификация қилинди. У мураббийдан узр сўради.

Кепанинг "Челси" билан шартномаси 2025 йилгача мўлжалланган. Премьер-лиганинг жорий мавсумида у 4 та ўйинида қатнашиб, ўз дарвозасидан 2 та гол ўтказиб юборди.