«Liverpul»ning sobiq futbolchisi Maykl Tomas Felipe Koutinyoning APLga qaytganiga munosabat bildirdi. U «Aston Villa» a’zosiga aylangan futbolchi haqida shunday deydi:
«Menimcha, «Aston Villa» yaxshi tanlov qildi. U o‘z vaqtining eng kuchli futbolchisini olib keldi. Endi Koutinyoda o‘z darajasini yana bir bor ko‘rsatish uchun yaxshi imkon mavjud. Bu esa futbolchiga yanada yaxshi jamoadan taklif olish imkonini beradi. Balki «Villa»ning o‘zi uni olib qolar. Ammo bu uchun Koutinyo o‘zini ko‘rsatishi kerak. Men o‘tmishdagi ikkita «Liverpul» afsonasi birlashganidan juda xursand bo‘ldim».
Eslatib o‘tamiz, «Aston Villa» kelasi turda «MYU»ni mehmon qiladi.
