Toshkent shahridagi “Yunusobod” sport majmuasida futzal bo‘yicha mamlakat chempionatining 5-tur o‘yinlariga start berildi. Birinchi kunning o‘zi kutilmagan voqealarga boy bo‘ldi.
Chempionlikni bosh maqsad qilgan va bu yo‘lda peshqadamlar safida borayotgan “Huaxin-Jizzax” jamoasi “Neftchi”ga qarshi uchrashuvning birinchi bo‘limi yarmidayoq raqiblaridan ikkita gol farqida ortda borayotgandi. Yakunda esa 5:3 hisobida g‘alaba qozonishning uddasidan chiqishdi, vaholanki farg‘onaliklarning uchta golidan ikkitasini jizzaxliklar o‘z darvozasiga kiritib qo‘yishgandi.
Iqtisodiy muammolarini hal etib, tayyorgarlik mashg‘ulotlarini ham o‘tkazmay Toshkentga arang yetib kelgan “Stroitel-Zarafshon” “Dinamo”ni mag‘lub etib, mavsumdagi ilk g‘alabasini nishonladi.
Ilhomjon Yusupjonovning bir daqiqada ikkita gol kiritishi “Navbahor”ning o‘zidan ancha yuqorida borayotgan “Metallurg” ustidan zafar quchishini ta’minladi. Jasur Xalimov uchrashuvning birinchi daqiqasidayoq ““Lokomotiv” darvozasini ishg‘ol etib, raqiblari “xushini uchirgandi”, biroq “Nasaf” baribir tajribali raqib oldida “ip esholmadi” va yakunda yirik hisobda mag‘lubiyatga uchradi.
Futzal. Oliy liga
Toshkent. “Yunusobod” s.m. 5-tur.
Birinchi kun. 13 yanvar, payshanba
NEFTCHI – HUAXIN-JIZZAX – 3:5 (2:2). 55 tomoshabin.
Hakamlar: Sanjar Nazarov, Adham Rixsiboyev, Ilhom Abdulakov
Nazoratchi: Faxriddin Murodov
Komissar: Rustam Zuparov
Gollar: Diyor Karimov (5) – Ilhomjon Hamroyev (14-o‘z darv.), Husniddin Nishonov (14, 15), Davron Choriyev (27), Ixtiyor Ropiyev (30), Dilmurod Jumayev (31), To‘ychiboy Berdiyev (33-o‘z darv.)
Ogohlantirishlar: Abdusattor Abdurahmonov (34) – Ilhomjon Hamroyev (29).
DINAMO – STROITEL-ZARAFSHON – 1:3 (1:2). 37 tomoshabin.
Hakamlar: Umid Po‘latov, Ilhom Abdulakov, Adham Rixsiboyev
Nazoratchi: Faxriddin Murodov
Komissar: Rustam Zuparov
Gollar: Samariddin Berkinov (6) – Jo‘rabek Yo‘ldoshev (4), Shohruh Mo‘minov (12), Jasur Haydarqulov (29)
Ogohlantirishlar: Lazizbek Ubaydullayev (11), Qosimjon Safarov (13) – Artem Graborskiy (6), Shohruh Mo‘minov (18), Ravshan Tojibov (39)
Chetlatish: Qosimjon Safarov (25, ikkinchi sariq) – Artem Graborskiy (28-ikkinchi sariq).
NAVBAHOR – METALLURG – 3:2 (3:1). 36 tomoshabin.
Hakamlar: Jamoliddin Najmiddinov, Husniddin Bahodirov, Furqat Azizov
Nazoratchi: Sergey Petrov
Komissar: Rustam Zuparov
Gollar: Farhodjon Shokirov (11), Ilhom Yusupjonov (18, 18) – Ilhom Rajabov (14), Farhod Qodirov (29)
Ogohlantirishlar: Azimjon Ne’matullayev (29) – yo‘q.
NASAF – LOKOMOTIV – 4:8 (3:5). 74 tomoshabin.
Hakamlar: Furqat Azizov, Xushnud Otamurodov, Husniddin Bahodirov
Nazoratchi: Sergey Petrov
Komissar: Rustam Zuparov
Gollar: Jasur Xalimov (1), Mamasharif Xalimov (6), Shohruh Norqulov (15), Shohruh Ne’matov (31) – Akbar Usmonov (6, 18), Amirjon Sa’dullayev (16), Jamoliddin Normirzayev (19, 20), Boburbek Ergashev (30, 33), Sarvar Shoahmedov (37)
Ogohlantirishlar: Yo‘q – yo‘q.
