Тошкент шаҳридаги “Юнусобод” спорт мажмуасида футзал бўйича мамлакат чемпионатининг 5-тур ўйинларига старт берилди. Биринчи куннинг ўзи кутилмаган воқеаларга бой бўлди.
Чемпионликни бош мақсад қилган ва бу йўлда пешқадамлар сафида бораётган “Ҳуахин-Жиззах” жамоаси “Нефтчи”га қарши учрашувнинг биринчи бўлими ярмидаёқ рақибларидан иккита гол фарқида ортда бораётганди. Якунда эса 5:3 ҳисобида ғалаба қозонишнинг уддасидан чиқишди, ваҳоланки фарғоналикларнинг учта голидан иккитасини жиззахликлар ўз дарвозасига киритиб қўйишганди.
Иқтисодий муаммоларини ҳал этиб, тайёргарлик машғулотларини ҳам ўтказмай Тошкентга аранг етиб келган “Строитель-Зарафшон” “Динамо”ни мағлуб этиб, мавсумдаги илк ғалабасини нишонлади.
Илҳомжон Юсупжоновнинг бир дақиқада иккита гол киритиши “Навбаҳор”нинг ўзидан анча юқорида бораётган “Металлург” устидан зафар қучишини таъминлади. Жасур Халимов учрашувнинг биринчи дақиқасидаёқ ““Локомотив” дарвозасини ишғол этиб, рақиблари “хушини учирганди”, бироқ “Насаф” барибир тажрибали рақиб олдида “ип эшолмади” ва якунда йирик ҳисобда мағлубиятга учради.
Футзал. Олий лига
Тошкент. “Юнусобод” с.м. 5-тур.
Биринчи кун. 13 январь, пайшанба
НЕФТЧИ – ҲУАХИН-ЖИЗЗАХ – 3:5 (2:2). 55 томошабин.
Ҳакамлар: Санжар Назаров, Адҳам Рихсибоев, Илҳом Абдулаков
Назоратчи: Фахриддин Муродов
Комиссар: Рустам Зупаров
Голлар: Диёр Каримов (5) – Илҳомжон Ҳамроев (14-ўз дарв.), Ҳусниддин Нишонов (14, 15), Даврон Чориев (27), Ихтиёр Ропиев (30), Дилмурод Жумаев (31), Тўйчибой Бердиев (33-ўз дарв.)
Огоҳлантиришлар: Абдусаттор Абдураҳмонов (34) – Илҳомжон Ҳамроев (29).
ДИНАМО – СТРОИТЕЛЬ-ЗАРАФШОН – 1:3 (1:2). 37 томошабин.
Ҳакамлар: Умид Пўлатов, Илҳом Абдулаков, Адҳам Рихсибоев
Назоратчи: Фахриддин Муродов
Комиссар: Рустам Зупаров
Голлар: Самариддин Беркинов (6) – Жўрабек Йўлдошев (4), Шоҳруҳ Мўминов (12), Жасур Ҳайдарқулов (29)
Огоҳлантиришлар: Лазизбек Убайдуллаев (11), Қосимжон Сафаров (13) – Артем Граборский (6), Шоҳруҳ Мўминов (18), Равшан Тожибов (39)
Четлатиш: Қосимжон Сафаров (25, иккинчи сариқ) – Артем Граборский (28-иккинчи сариқ).
НАВБАҲОР – МЕТАЛЛУРГ – 3:2 (3:1). 36 томошабин.
Ҳакамлар: Жамолиддин Нажмиддинов, Ҳусниддин Баҳодиров, Фурқат Азизов
Назоратчи: Сергей Петров
Комиссар: Рустам Зупаров
Голлар: Фарҳоджон Шокиров (11), Илҳом Юсупжонов (18, 18) – Илҳом Ражабов (14), Фарҳод Қодиров (29)
Огоҳлантиришлар: Азимжон Неъматуллаев (29) – йўқ.
НАСАФ – ЛОКОМОТИВ – 4:8 (3:5). 74 томошабин.
Ҳакамлар: Фурқат Азизов, Хушнуд Отамуродов, Ҳусниддин Баҳодиров
Назоратчи: Сергей Петров
Комиссар: Рустам Зупаров
Голлар: Жасур Халимов (1), Мамашариф Халимов (6), Шоҳруҳ Норқулов (15), Шоҳруҳ Неъматов (31) – Акбар Усмонов (6, 18), Амиржон Саъдуллаев (16), Жамолиддин Нормирзаев (19, 20), Бобурбек Эргашев (30, 33), Сарвар Шоаҳмедов (37)
Огоҳлантиришлар: Йўқ – йўқ.
