2002-2003 yilgi mavsumda Fernando ancha yaxshi o‘yin ko‘rsata boshlaydi. 29 o‘yinda 13 bor raqib darvozasiga to‘p kiritgan Torres jamoasining 11 pog‘onani egallashiga ancha yordam beradi. Shundan so‘ng “El Ninyo” uchun bir nechta jiddiy transfer takliflari kelib tushadi. Ulardan biri “Chelsi” klubi egasi Roman Abramovichdan kelgan taklif edi. Roman 19 yoshga to‘lib ulgurmagan Fernandoni 28 million funt sterlingga sotib olish istagidaligini aytadi. Ammo “Atletiko” klubi rahbariyati bu taklifni rad etadi.
2003-2004 yilgi mavsum Torres uchun juda ham omadli bo‘lgan. U o‘sha mavsumda 35 o‘yinda 19 gol urib La Liganing to‘purarlar ro‘yhatida uchinchi o‘rinni qo‘lga kiritadi. Undan tashqari, Fernando o‘sha yili “Atletiko”ning sardoriga aylanadi. Hali xamon u La liga tarixidagi eng yosh sardorligicha qolmoqda. 2004 yil “qizil-oqlar” 7 o‘rinni qo‘lga kiritib UYEFA Intertoto kubogiga yo‘llanma oladi. Bu turnir Torresning Yevropa klublari miqyosidagi ilk musobaqasi hisoblanadi. Torres o‘sha turnirda 5 o‘yinda 2gol kiritadi. Uning jamoasi finalgacha yetib borib “Vilyareal”ga yutqazib qo‘yagan.
Keyingi mavsum ham “Atletiko” uchun avvalgisidan farq qilmadi. Jamoa yana yevrokuboklarga yo‘llanma qo‘lga kirita olmadi. Mamlakat kubogi yarim finalida “Osasuna”ga yutqazib qo‘ydi. Torres mavsumda 16ta gol kiritdi. Lekin bu mavsum Fernando uchun isbatan yaxshi o‘tdi. Negaki “El Ninyo” Ispaniya termasining asosiy futbolchisi sifatida ko‘zga tashlandi. Undan tashqari JCH 2006 saralashida eng yaxshi to‘purarlardan biri bo‘ldi.
2006 yil Torres uchun katta fahr to‘yg‘usini berdi. To‘g‘ri, o‘sha mavsum ham “Atletiko” doimgidek o‘rtamyona o‘yin ko‘rsatdi. Lekin terma jamoa va JCH Fernandoga ajoyib kayfiyat taqdim etgan edi. “Mavsumning eng yaxshi damlari men uchun Germaniyada bo‘lib o‘tgan jahon chempionatida terma jamoa bilan bo‘lganim bo‘ldi. Dunyoning eng yirik turnirida birinchi terma jamoa safida o‘ynash va kuchli jamoalar bilan to‘qnash kelish men uchun orzu edi. Televizorda jamoamning mag‘lubiyatlarini ko‘rib, ko‘p azob chekkanimni eslayman, ammo endi o‘zim tarix yozishim mumkin edi” deya Torres o‘z fikrlari bilan o‘rtoqlashgandi.
Torres gurux bosqichida 3 uchrashuvda 3 gol kiritib to‘purarlar ro‘yxatida 1 o‘rinda edi. Ammo “qizil furiya” 1/8 finalda “Fransiya”ga mag‘lub bo‘lib ortiga qaytgan edi. O‘sha paytdagi Fernandoni tasaavur qilish mumkin. Ne-ne umidlar va orzular bilan to‘p tepgan yigitchaning kelajagi hali oldinda edi. Uning “Ispaniya” bilan sovrin yutishiga hali 2 yil bor ekanligini u qayerdan ham bilardi.
Jahon chempionatidan so‘ng Fernando bir qancha takliflarni rad etdi va "matraschilar" bilan 2009 yilgacha shartnoma imzoladi. 2006/07 yilgi mavsumda "Atletiko" uzoq vaqt Yevropa musobaqalari uchun yo‘llanma beriladigan o‘rinlarda bordi, ammo so‘nggi turda hammasi o‘zgarib ketdi. Yana bir bor Torres yozgi ta’tilga hafsalasi pir bo‘lib chiqdi. Mavsumdagi barcha mashaqqatli mehnat behuda ketdi.
Yozning yaxshi kunlaridan birida Fernandoning uyali telefoni jiringladi. Raqam chet elniki edi Torres bu qong‘iroqqa javob bermagani xaqida aytgan. Ammo ertasi kuni Rafa Benites Fernandoga qo‘ng‘iroq qilib, rejalari va g‘oyalari haqida gapirib berdi. Torres bu safar ularning taklifini qabul qildi. Ispaniyalik futbolchi "Enfild"ga muxlislar, jamoadoshlari va "Atletiko"ning barcha xodimlari bilan xayrlashgandan keyingina yetib bordi. “El Ninyo” Madridda bo‘lganida unga juda yaxshi munosabatda bo‘lganliklari uchun ularga minnatdorchilik bildirgan.
Klubga qo‘shilgandan so‘ng muxlislar uni olqishlay boshlashdi va u o‘zining birinchi golini urganidan so‘ng, uning xurmati juda ham oshib ketdi. U klubdagi dastlabki olti oyda uch marta oyning eng yaxshi futbolchisi deb topildi, uning sharafiga qo‘shiqlar kuylandi va klub afsonalari - Kenni Dalglish va Robbi Fauler bilan solishtirildi. “El Ninyo” esa gollar va chiroyli o‘yinida davom etdi. O‘zining birinchi mavsumida u “liverpul” safida Robbi Faulerdan keyin birinchi marta Premer-ligada 20 dan ortiq gol urishga muvaffaq bo‘ldi. o‘zining debyut mavsumida xorijliklar tomonidan kiritilgan gollar soni bo‘yicha rekordni yangiladi. Shuningdek, Rojer Xantning rekordini yangilab, ketma-ket sakkizta uy o‘yinida raqib darvozasini ishg‘ol qildi.
Davomi bor.
