"Atalanta" bosh direktori Pyerpaolo Marino himoyachi Robin Gozensning "Nyukasl"ga o‘tishi mumkinligi haqidagi mish-mishlarga izoh berdi.
“Biz har kuni gazetalarda “Atalanta” futbolchilari va “Nyukasl” o‘rtasidagi muzokaralar haqida o‘qiymiz. Bu lotereyaga o‘xshaydi. Biz Gozensning jarohatidan qaytishini kutmoqdamiz", - deya Marino so‘zlaridan iqtibos keltiradi jurnalist Fabrisio Romano.
Avvalroq, ingliz klubi futbolchi bilan yiliga 3,5 million yevro maosh bilan 3,5 yillik shartnomaga kelishib olgani haqida xabar berilgandi.
Joriy mavsumda nemis futbolchisi Italiya klubi safida barcha musobaqalarda 8ta o‘yin o‘tkazib, 2ta gol urdi va bitta golli uzatmani amalga oshirdi.
