"Аталанта" бош директори Пьерпаоло Марино ҳимоячи Робин Гозенснинг "Ньюкасл"га ўтиши мумкинлиги ҳақидаги миш-мишларга изоҳ берди.
“Биз ҳар куни газеталарда “Аталанта” футболчилари ва “Ньюкасл” ўртасидаги музокаралар ҳақида ўқиймиз. Бу лотереяга ўхшайди. Биз Гозенснинг жароҳатидан қайтишини кутмоқдамиз", - дея Марино сўзларидан иқтибос келтиради журналист Фабрицио Романо.
Аввалроқ, инглиз клуби футболчи билан йилига 3,5 миллион евро маош билан 3,5 йиллик шартномага келишиб олгани ҳақида хабар берилганди.
Жорий мавсумда немис футболчиси Италия клуби сафида барча мусобақаларда 8та ўйин ўтказиб, 2та гол урди ва битта голли узатмани амалга оширди.
