“Uotford” bosh murabbiyi Klaudio Ranyeri ispaniyalik mutaxassis Rafael Benitesning “Everton” bosh murabbiyligidan chetlatilgani haqidagi fikrlari bilan o‘rtoqlashdi.
“Bu futbol. Balki, Angliyada ko‘nikmagandirsiz, lekin Angliyada ham xuddi muzqaymoq sotib olayotgandek murabbiy almashtirishadi. Hammasi shu”, - deydi italiyalik mutaxassis.
Eslatib o‘tamiz, Benites 2021 yilning yozida “Everton” bosh murabbiyi etib tayinlangan edi.
Endilikda o‘tkazilgan 19 uchrashuvdan so‘ng mersisaydliklar so‘nggi 13 uchrashuvda 9 marta mag‘lub bo‘lgan holda 15-o‘rinda bormoqda.
