“Chelsi” hujumchisi Timo Verner London jamoasi muxlislari haqida o‘z fikrlari bilan o‘rtoqlashdi. 25 yoshli hujumchi ularning qo‘llab-quvvatlashidan xursand ekanligini tan oldi.
“Ba’zida nega meni bunchalik qo‘llab-quvvatlashlarini tushunmayman, chunki men ko‘plab imkoniyatlarni boy beraman. “Chelsi” muxlislari qarshisida o‘ynash ajoyib. Qiyin paytlarni boshdan kechirganimda, ular meni qo‘llab-quvvatlaydi va bu meni kuchliroq qiladi.
Jamoa muxlislari uchun har bir o‘yinda bor kuchimni berishga harakat qilaman”, - deya Vernerning so‘zlarini keltiradi “Sky Sport”.
Joriy mavsumda Verner Angliya Premyer-ligasida 10 ta o‘yinda maydonga tushib, 1 ta gol urdi va 1 ta golli uzatmani amalga oshirdi.
