"PSJ" yarim himoyachisi Neymar Netflix tarmog‘ida o‘z hayoti haqida hujjatli film chiqishi haqida gapirdi.
Uch qismli “Mukammal betartiblik” hujjatli filmi maydon tashqarisidagi hayot, shuningdek, otasi olib borgan marketing operasiyalari haqida hikoya qiladi. Film yanvar oyi oxirida taqdim etiladi.
“Meni taniganlar men uchun muhim. Meni tanimaydigan va men haqimda yomon gapiradiganlar esa, men ulardan shunchaki uzoqlashaman. Lekin umid qilamanki, ular ushbu hujjatli filmni tomosha qilishadi va bu ularning men haqidagi tasavvurlarini o‘zgartiradi.
Bu hujjatli film meni ota, o‘g‘il, aka sifatida ko‘rsatadi. Biz 100% haqiqatni ko‘rsatamiz va bu eng muhimi.
Men hozir kuchliman deb o‘ylayman. Nafaqat jismonan, balki ruhiy jihatdan ham. Men juda ko‘p bosimni boshdan kechirishim kerak: kimligim, qayerda o‘ynaganim, braziliyalikman va boshqalar.
Lekin hozir men ruhiy jihatdan kuchliman va bunga erishish uchun juda ko‘p mehnat qilishim kerak edi. O‘ylaymanki, bu men uchun yaxshi: nafaqat futbol o‘ynay olaman, balki ruhiy salomatligimga ham e’tibor qaratganman”, - dedi Neymar.
