"ПСЖ" ярим ҳимоячиси Неймар Netflix тармоғида ўз ҳаёти ҳақида ҳужжатли филм чиқиши ҳақида гапирди.
Уч қисмли “Мукаммал бетартиблик” ҳужжатли фильми майдон ташқарисидаги ҳаёт, шунингдек, отаси олиб борган маркетинг операциялари ҳақида ҳикоя қилади. Фильм январь ойи охирида тақдим этилади.
“Мени таниганлар мен учун муҳим. Мени танимайдиган ва мен ҳақимда ёмон гапирадиганлар эса, мен улардан шунчаки узоқлашаман. Лекин умид қиламанки, улар ушбу ҳужжатли фильмни томоша қилишади ва бу уларнинг мен ҳақидаги тасаввурларини ўзгартиради.
Бу ҳужжатли фильм мени ота, ўғил, ака сифатида кўрсатади. Биз 100% ҳақиқатни кўрсатамиз ва бу энг муҳими.
Мен ҳозир кучлиман деб ўйлайман. Нафақат жисмонан, балки руҳий жиҳатдан ҳам. Мен жуда кўп босимни бошдан кечиришим керак: кимлигим, қаерда ўйнаганим, бразилияликман ва бошқалар.
Лекин ҳозир мен руҳий жиҳатдан кучлиман ва бунга эришиш учун жуда кўп меҳнат қилишим керак эди. Ўйлайманки, бу мен учун яхши: нафақат футбол ўйнай оламан, балки руҳий саломатлигимга ҳам эътибор қаратганман”, - деди Неймар.
