Bugun, 20 yanvar kuni Ispaniya kubogi 1/8 finalidan o‘rin olgan “Elche” — “Real” uchrashuvi bo‘lib o‘tdi. Jamoalar Elche shahridagi (Ispaniya) Manuel Martines Valero stadionida o‘ynashdi. Qarama-qarshilik 2:1 hisobida mehmonlar foydasiga hal bo‘ldi.

102-daqiqada “qaymoqranglilar” ozchilikda qolishdi. Marselo to‘g‘ridan-to‘g‘ri qizil kartochka olib, maydondan chetlatildi. Bir daqiqadan so‘ng Gonsalo Verdu hisobni ochdi. Biroq oradan besh daqiqa o‘tib Isko Daniel Sebalyosning pasi evaziga hisobni tenglashtirdi, 115-daqiqada Eden Azar David Alabaning uzatmasidan so‘ng mehmonlarni oldinga olib chiqdi. Mazkur hisob  boshqa o‘zgarmadi va “qirollik klubi” musobaqaning chorak finaliga yo‘l oldi.

“Elche” – “Real Madrid” 1:2 (0:0, 0:0, 1:0)

Gollar: 1:0 – 103 Verdu, 1:1 – 108 Isko, 1:2 – 115 Azar.

“Elche” – Verner, Palasios, Diyego Gonsales, Donald (Verdu, 87), Moxika, Xosan (Morente, 66), Fidel, Gumbau, Guti, Lukas Peres (Milya, 79), Karrilyo (Friasa, 95).

“Real Madrid” – Lunin, Alaba, Nacho, Marselo, Kroos (Sebalyos, 90), Valverde (Modrich, 72), Kamavinga (Kazemiro, 72), Vaskes, Yovich (Isko, 79), Vinisius Junior (Mendi, 118), Rodrigo (Azar, 90).

Ogohlantirishlar: Kroos (78), Kazemiro (87), Milya (87), Alaba (94).

Chetlatish: Marselo (102), Milya (120).