"Manchester Siti" bosh murabbiyi Xosep Gvardiola Angliya chempionati 23-turi doirasida "Sautgempton"ga qarshi o‘yin oldidan shartnomasi haqida qayg‘urmasligini aytdi.
Ispaniyalik mutaxassisning amaldagi shartnomasi 2022/23 yilgi mavsum yakuniga qadar mo‘ljallangan.
“Men shartnoma haqida o‘ylamayman. Shartnomam bo‘lsa ham, kelajak haqida ko‘p o‘ylaydiganlardan emasman. Bu yerda o‘zimni xavfsiz va qulay his qilaman. Navbatdagi raqibimiz “Sautgempton”, keling, biroz dam olib, davom etaylik. Mavsum oxirida nima bo‘lishini ko‘ramiz", - deya Gvardiolaning so‘zlaridan iqtibos keltirgan "BBC".
