"Манчестер Сити" бош мураббийи Хосеп Гвардиола Англия чемпионати 23-тури доирасида "Саутгемптон"га қарши ўйин олдидан шартномаси ҳақида қайғурмаслигини айтди.
Испаниялик мутахассиснинг амалдаги шартномаси 2022/23 йилги мавсум якунига қадар мўлжалланган.
“Мен шартнома ҳақида ўйламайман. Шартномам бўлса ҳам, келажак ҳақида кўп ўйлайдиганлардан эмасман. Бу ерда ўзимни хавфсиз ва қулай ҳис қиламан. Навбатдаги рақибимиз “Саутгемптон”, келинг, бироз дам олиб, давом этайлик. Мавсум охирида нима бўлишини кўрамиз", - дея Гвардиоланинг сўзларидан иқтибос келтирган "BBC".