Angliyaning «Liverpul» klubi sobiq futbolchisi Mark Lourenson APLning 23-tur doirasida «Manchester Yunayted» - «Vest Xem» (1:0) jamoalari o‘rtasidagi uchrashuv haqidagi fikrlari bilan o‘rtoqlashdi.

Uchrashuvning asosiy vaqtiga qo‘shib berilgan 3-daqiqada "mankunianliklar" hujumchisi Markus Reshford Edinson Kavanining uzatmasini golga aylantirdi.

O‘sha vaziyatda Antoni Marsyal to‘pni oshirib berayotgan paytda Kavani offsayd holatida turgandi, biroq, uchrashuv bosh hakami Jonatan Moss, videoassistent bilan maslahatlashib olganidan so‘ng, golni hisobga oldi.

«Xuddi Edinson Kavani ofsaydda turgandek ko‘rindi. Bu haqiqatdan ham ofsaydda turgandek edi. Ushbu vaziyat borasida janjal bo‘lsa kerak. Biz bir necha marotaba VARning g‘alati qarorlarini ko‘rdik, qachon nima ro‘y berishini bilmaysan ham», – dedi Lourenson.