«Manchester Yunayted» hujumchisi Antoni Marsyal ijara asosida «Sevilya»ga o‘tdi. Ma’lum bo‘lishicha, bu bitim ispan klubiga 6-7 million yevroga tushdi, deydi insayder Fabrisio Romano.
Jurnalistning ta’kidlashicha, andalusiyaliklar fransiyalik futbolchini shartnoma yakuniga yetgach, belgilangan summaga sotib olishga haqli emas.
Marsyal Angliya klublaridan bir qancha takliflar oldi, lekin ularni rad etdi, chunki u «Sevilya»ga o‘tishni juda xohlagan. U bu qarorga «Sevilya» sport direktori Ramon Monchi bilan bir necha bor suhbatlashgandan so‘ng kelgan.
Hujumchi joriy mavsumda Premyer-ligada 8 ta o‘yinda maydonga tushib, 1 ta gol urishga erishdi.
