«Nyukasl» futbolchisi Kiran Tripyer Londonning «Tottenxem» klubi rahbari Daniyel Levini tanqid qildi.
Eslatib o‘tamiz, o‘z vaqtida Kiran «shporlar» sharafini himoya qilib, jamoaning Chempionlar ligasi finaliga yo‘l olishiga katta yordam bergan edi.
«Chempionlar ligasi finalidan so‘ng, nihoyat, jamoadan ketish kerakligini angladim. Bu yerda vaziyatni o‘zgartirish kerak edi.
Pochettino menga hurmat bilan munosabatda bo‘lib, asosiy tarkibda tushirishda davom etayotgan bo‘lsada, OAV men tomonda emas edi.
Faqat bir narsa meni g‘azablantirdi. O‘sha finaldan ikki oy oldin Levi meni boshqa klublarga taklif qila boshlaganini yuz foiz bilaman.
U shunchaki mendan qutulmoqchi edi. Men vaqtim tugaganini bilardim, lekin nega bunday bo‘ldi? Men klub va muxlislar uchun o‘ynadim, lekin ular meni bu yerda boshqa ko‘rishni istamasliklarini tushundim», deydi Kiran.
