Angliyaning "Nyukasl" klubi yangi futbolchisi Kiran Trippyer "Tottenxem" prezidenti Daniel Levini keskin tanqid ostiga oldi.

"Atletiko"dagi yarim yillik faoliyatidan so‘ng, Trippyer o‘z vataniga qaytdi va "Nyukasl" futbolchisiga aylandi.

"Bo‘lajak futbolchi sifatida siz bor kuchingizni sarf qilasiz, lekin ba’zida ham muvaffaqiyatga erisha olmaysiz. Garchi, Maurisio Pochettino meni maydonga tushirgan bo‘lsada, men bilan ham shunday vaziyat bo‘ldi.

Chempionlar Ligasi finalidan so‘ng, men jamoani o‘zgartirish uchun to‘g‘ri vaqt ekanligini his qildim. OAV men tarafda bo‘lmagandi va men Angliyani tark etish kerakligini bildim. Chunki, men fikrimni o‘zgartirishim kerak edi. Men hech qachon orqaga qaramadim.

Meni g‘azablantirgan narsa shuki... Futbolda turli xil insonlar gapiradi va mish-mishlar hamisha bo‘ladi, lekin men 100 foiz bilamanki, mavsum yakuniga yetishiga 2 oy qolganida Daniel meni boshqa klublarga tavsiya qilishni boshladi. Bu fakt meni ko‘p g‘azablantirdi.

Bu narsa ro‘y berganini men aniq bilaman, shu sababli, jamoani tark etish kerakligini angladim. Men jamoadoshlarim va muxlislar hurmati o‘ynadim, lekin ular ham meni bu yerda ko‘rishni xohlashmayotganini bilardim", — dedi Trippyer The Athletic bilan suhbatda.