“Lion”ni tark etgan himoyachi Marselo faoliyatini “Bordo”da davom ettiradi. 34 yoshli braziliyalik jirondinliklar bilan 6 oylik shartnomaga kelishib oldi. Shartnomada, shuningdek, jamoa ligada jon saqlab qolgan taqdirda yana bir mavsumga uzaytirish ko‘zda tutilgan.
28 yanvar, juma kuni Marselo tibbiy ko‘rikdan o‘tish va transferni yakunlash uchun Bordoga yetib boradi.
Eslatib o‘tamiz, Marselo 2017 yilda "Beshiktosh"ni "Lion"ga almashtirib, Fransiyaga ko‘chib o‘tgandi. O‘shandan beri u klub miqyosida 167 ta o‘yin o‘tkazdi.
Bu mavsumda himoyachi Fransiya chempionatida deyarli o‘ynamadi, chunki u avgust oyida “Lion”ning ikkinchi jamoasiga o‘tgan edi. Braziliyalik futbolchi “Anje”dan uchralgan mag‘lubiyatdan (0:3) so‘ng kiyinish xonasida jilmayib qo‘ydi, bu esa murabbiylar shtabining noroziligiga sabab bo‘ldi.
