“Лион”ни тарк этган ҳимоячи Марсело фаолиятини “Бордо”да давом эттиради. 34 ёшли бразилиялик жирондинликлар билан 6 ойлик шартномага келишиб олди. Шартномада, шунингдек, жамоа лигада жон сақлаб қолган тақдирда яна бир мавсумга узайтириш кўзда тутилган.

28 январь, жума куни Марсело тиббий кўрикдан ўтиш ва трансферни якунлаш учун Бордога етиб боради.

Эслатиб ўтамиз, Марсело 2017 йилда "Бешиктош"ни "Лион"га алмаштириб, Францияга кўчиб ўтганди. Ўшандан бери у клуб миқёсида 167 та ўйин ўтказди.

Бу мавсумда ҳимоячи Франсия чемпионатида деярли ўйнамади, чунки у август ойида “Лион”нинг иккинчи жамоасига ўтган эди. Бразилиялик футболчи “Анже”дан учралган мағлубиятдан (0:3) сўнг кийиниш хонасида жилмайиб қўйди, бу эса мураббийлар штабининг норозилигига сабаб бўлди.