“Bavariya” hujumchisi Robert Levandovski Dortmundning “Borussiya” klubi hujumchisi Erling Xoland dunyoning eng yaxshi to‘purari sifatida uning o‘rnini egallashi mumkinligi haqida fikr bildirdi.
“Biz ikkimiz turli xil o‘yinchimiz. U kuchli, tezkor, jismonan yaxshi futbolchi. Uning o‘yin uslubi ham shunga asoslanadi. Menda boshqa fazilatlar bor va bu qandayligini aytish shart emas.
Biror kishining katta salohiyatga ega bo‘lishi, uning yillar davomida yulduz bo‘lishini anglatmaydi. Men 33 yoshli yigitni 21 yoshli yigit bilan solishtirishni yoqtirmayman. Har kimning o‘ziga xos rivojlanish davri bor. Lekin, Xoland ajoyib futbolchi, uning o‘yinini tomosha qilish zavq bag‘ishlaydi”, deydi Levandovski.
Joriy mavsumda Xoland “Borussiya” safida barcha turnirlar doirasida 20 ta o‘yinda 23 ta gol va 6 ta golli uzatmaga mualliflik qildi.
