“Бавария” ҳужумчиси Роберт Левандовски Дортмунднинг “Боруссия” клуби ҳужумчиси Эрлинг Холанд дунёнинг энг яхши тўпурари сифатида унинг ўрнини эгаллаши мумкинлиги ҳақида фикр билдирди.

“Биз иккимиз турли хил ўйинчимиз. У кучли, тезкор, жисмонан яхши футболчи. Унинг ўйин услуби ҳам шунга асосланади. Менда бошқа фазилатлар бор ва бу қандайлигини айтиш шарт эмас.

Бирор кишининг катта салоҳиятга эга бўлиши, унинг йиллар давомида юлдуз бўлишини англатмайди. Мен 33 ёшли йигитни 21 ёшли йигит билан солиштиришни ёқтирмайман. Ҳар кимнинг ўзига хос ривожланиш даври бор. Лекин, Холанд ажойиб футболчи, унинг ўйинини томоша қилиш завқ бағишлайди”, дейди Левандовски.

Жорий мавсумда Холанд “Боруссия” сафида барча турнирлар доирасида 20 та ўйинда 23 та гол ва 6 та голли узатмага муаллифлик қилди.