Parij «Katta Dubulg‘a» turnirining ikkinchi kungi saralash bellashuvlari o‘z yakuniga yetib bormoqda.
Hozirgina -81 kg vazn toifasidagi dzyudochimiz Sharofiddin Boltaboyev final yo‘llanmasi uchun kechgan bellashuvda yaponiyalik kuchli dzyudochi Sotaro Fujivaraga qarshi bahs olib bordi.
Sakkiz daqiqa davom etgan murosasiz bahsda dzyudo vatani vakili vazari bahosi bilan g‘alaba qozondi.
Endi qoraqalpog‘istonlik dzyudochimiz kechki final dasturida kanadalik Fransis Gautiyerga qarshi tatamiga chiqadi.













