"Barselona" yosh iqtidorli yarim himoyachisi Gavi bilan kelishuvni yaqin kunlarda uzaytiradi. Bu haqda jurnalist, insayder Fabrisio Romano xabar berdi.
Uning so‘zlariga ko‘ra: Gavining "Barselona" bilan shartnomasi allaqachon tayyor. Imzolash esa vaqt masalasi. Katta ehtimol bilan kelishuv tomonlarning navbatdagi uchrashuvida imzolanadi.
Eslatib o‘tamiz, 17 yoshli Ispaniya terma jamoasi a’zosining kataloniyaliklar bilan amaldagi shartnomasi 2023 yilda yakuniga yetadi.
Yangi kelishuvga ko‘ra, u 2027 yilgacha klub safida qoladi. Shuningdek, futbolchining tovon puli 1 milliard yevro qilib belgilanadi.
