"Барселона" ёш иқтидорли ярим ҳимоячиси Гави билан келишувни яқин кунларда узайтиради. Бу ҳақда журналист, инсайдер Фабрицио Романо хабар берди.
Унинг сўзларига кўра: Гавининг "Барселона" билан шартномаси аллақачон тайёр. Имзолаш эса вақт масаласи. Катта эҳтимол билан келишув томонларнинг навбатдаги учрашувида имзоланади.
Эслатиб ўтамиз, 17 ёшли Испания терма жамоаси аъзосининг каталонияликлар билан амалдаги шартномаси 2023 йилда якунига етади.
Янги келишувга кўра, у 2027 йилгача клуб сафида қолади. Шунингдек, футболчининг товон пули 1 миллиард евро қилиб белгиланади.