“Liverpul” hujumchisi Takumi Minamino jamoani tark etishi haqidagi mish-mishlarni inkor qildi.

Hujumchining fikricha, uning maqsadi Yevropa bo‘ylab osiyolik futbolchilarga yo‘l ochish. Minamino avval mavjud bo‘lgan stereotiplarga qarshi kurashmoqchi.

“Natijalarimdan qoniqmayapman. Bu yerda erishgan har qanday muvaffaqiyatim kelajakda osiyolik futbolchilarga ko‘proq imkoniyat berishi mumkin.

Men osiyolik futbolchilar nimalarga qodirligini barchaga ko‘rsatmoqchiman.

Bu klubda o‘ynash mening bolalikdagi orzuim edi. Bu ro‘yobga chiqqanidan xursandman, lekin men bundan ham ko‘proq narsalarga tayyorman», - deya Minaminoning so‘zlaridan iqtibos keltiradi klub matbuot xizmati.