“Ливерпуль” ҳужумчиси Такуми Минамино жамоани тарк этиши ҳақидаги миш-мишларни инкор қилди.
Ҳужумчининг фикрича, унинг мақсади Европа бўйлаб осиёлик футболчиларга йўл очиш. Минамино аввал мавжуд бўлган стереотипларга қарши курашмоқчи.
“Натижаларимдан қониқмаяпман. Бу ерда эришган ҳар қандай муваффақиятим келажакда осиёлик футболчиларга кўпроқ имконият бериши мумкин.
Мен осиёлик футболчилар нималарга қодирлигини барчага кўрсатмоқчиман.
Бу клубда ўйнаш менинг болаликдаги орзуим эди. Бу рўёбга чиққанидан хурсандман, лекин мен бундан ҳам кўпроқ нарсаларга тайёрман», - дея Минаминонинг сўзларидан иқтибос келтиради клуб матбуот хизмати.
