Madridning “Real” klubi hujumchi Vinisius Junior bilan shartnomani uzaytirishni rejalashtirmoqda, deb yozadi jurnalist Nikolo Skira tvitterida.

Manbaga ko‘ra, "qaymoqranglilar" braziliyalik bilan shartnomani 2027 yilgacha uzaytirmoqchi. "Real Madrid" rahbarlari futbolchining maoshini oshirishga tayyor.

Futbolchining klub bilan shartnomasi 2024 yilning iyuniga qadar mo‘ljallangan. Transfermarkt ma’lumotlariga ko‘ra, braziliyaning hozirgi qiymati 100 million yevro.

Vinisius joriy mavsum “Real” safida 21 ta o‘yinda maydonga tushib, 12 ta gol urdi va 6 ta golli uzatmani amalga oshirdi. Shuningdek, u Chempionlar ligasining 6 ta o‘yinida 2 ta gol va 4 ta golli uzatmaga ega.