Мадриднинг “Реал” клуби ҳужумчи Винисиус Жуниор билан шартномани узайтиришни режалаштирмоқда, деб ёзади журналист Николо Скира твиттерида.

Манбага кўра, "қаймоқранглилар" бразилиялик билан шартномани 2027 йилгача узайтирмоқчи. "Реал Мадрид" раҳбарлари футболчининг маошини оширишга тайёр.

Футболчининг клуб билан шартномаси 2024 йилнинг июнига қадар мўлжалланган. Transfermarkt маълумотларига кўра, бразилиянинг ҳозирги қиймати 100 миллион евро.

Винисиус жорий мавсум “Реал” сафида 21 та ўйинда майдонга тушиб, 12 та гол урди ва 6 та голли узатмани амалга оширди. Шунингдек, у Чемпионлар лигасининг 6 та ўйинида 2 та гол ва 4 та голли узатмага эга.