“Liverpul” bosh murabbiyi Yurgen Klopp yaqinda “Portu”dan 40 million yevro evaziga xarid qilingan Luis Diasning debyuti haqida fikr bildirdi. Germaniyalik murabbiyning fikricha, kolumbiyalik futbolchining debyuti Premyer-liga tarixidagi eng yaxshilaridan biri bo‘lgan.
“Bu men ko‘rgan eng yaxshi debyutlardan biri bo‘ldi. Chunki u deyarli xato o‘ynamadi, lekin bu faqat birinchi o‘yin. Ko‘ramiz, Luis bundan keyin qanday o‘yin ko‘rsatadi”, - dedi Klopp “Lester”ga qarshi o‘yindan keyin o‘tkazilgan matbuot anjumanida.
Eslatib o‘tamiz, kecha "Liverpul" o‘z maydonida "Lester"ni Diogo Jotaning dubli evaziga 2:0 hisobida mag‘lub etgandi.
