“Ливерпуль” бош мураббийи Юрген Клопп яқинда “Порту”дан 40 миллион евро эвазига харид қилинган Луис Диаснинг дебюти ҳақида фикр билдирди. Германиялик мураббийнинг фикрича, колумбиялик футболчининг дебюти Премьер-лига тарихидаги энг яхшиларидан бири бўлган.
“Бу мен кўрган энг яхши дебютлардан бири бўлди. Чунки у деярли хато ўйнамади, лекин бу фақат биринчи ўйин. Кўрамиз, Луис бундан кейин қандай ўйин кўрсатади”, - деди Клопп “Лестер”га қарши ўйиндан кейин ўтказилган матбуот анжуманида.
Эслатиб ўтамиз, кеча "Ливерпуль" ўз майдонида "Лестер"ни Диого Жотанинг дубли эвазига 2:0 ҳисобида мағлуб этганди.