«Real» hujumchisi Karim Benzema Yevropa chempionlar ligasi nimchorak final bosqichidan o‘rin olgan «PSJ»ga qarshi o‘yin borasida o‘z fikrini bildirib o‘tdi.

«Mbappega qarshi o‘ynash juda qiziqarli bo‘ladi. Messi? U ajoyib futbolchi, odamlar undan hamisha gollar kutishadi, uning nimalarga qodirligini o‘z ko‘zim bilan bir necha marta ko‘rganman. Bizning bu galgi to‘qnashuvimizda yangi sahifa ochiladi.

Neymar ham top futbolchi. U maydonga tushish uchun to‘liq tayyor bo‘ladimi yoki yo‘qmi, bilmadim, ammo uning maydonga qaytishi — «PSJ» uchun ajoyib yangilik», – dedi Benzema.

Eslatib o‘tamiz, «PSJ» va «Real» jamoalari o‘rtasidagi uchrashuv bugun tunda Toshkent vaqti bilan 01:00da boshlanadi. Javob uchrashuvi esa 9 mart kuni Madridda bo‘lib o‘tadi.