Yengil atletika bo‘yicha O‘zbekiston terma jamoasi vakili Safina Sadullayeva Yevropa turnirlaridagi ishtirokini davom ettiradi. Bu gal hamyurtimiz Slovakiyadagi musobaqada qatnashdi.
Garchi Sadullayeva sovrinli o‘rinlarga ilina olmagan bo‘lsa ham, bir qator ahamiyatli natijalarni qayd etdi. Jumladan, bundan avval Chexiyada qayd etgan 1.92 metr natijasini 1 smga yaxshilashga muvaffaq bo‘ldi. Qayd etish joiz, bu Osiyo qit’asi vakilalari orasida mavsumdagi eng yuqori ko‘rsatkich bo‘lib turibdi.
Musobaqa an’anaga muvofiq, yopiq inshootda “Banskobystrická latka” musiqasi ostida o‘tkazildi. 1.93 m natija bilan hamyurtimiz to‘rtinchi pog‘onani egalladi. Safina qo‘shimcha ko‘rsatkichlar evaziga Olimpiada chempioni rossiyalik Mariya Lasiskeneni ham ortda qoldirishga muvaffaq bo‘ldi. G‘olib va sovrindorlar ro‘yxati:
“World Athletics Indoor Tour Silver”, Slovakiya
Balandlikka sakrash, ayollar:
1. Eleanor Patterson (Avstraliya) – 1.99
2. Yaroslava Maguchix (Ukraina) – 1.96
3. Mariya Vukovich (Chernogoriya) – 1.96
4. Safina Sadullayeva (O‘zbekiston) – 1.93
