Isroil poytaxtida dzyudo bo‘yicha “Katta dubulg‘a” turkumiga kiruvchi musobaqaning ikkinchi kun bellashuvlari yakuniga yetmoqda. Quvonarlisi, unda terma jamoamiz vakili Obidxon No‘’monov shohsupaga ko‘tarildi.
-73 kg vazn toifasida ishtirok etgan dzyudochimiz finalda ozarbayjonlik Hidoyat Heydarovga qo‘shimcha daqiqalarda imkoniyatni boy berib qo‘ydi va kumush medal bilan musobaqani yakunladi. Bu No‘’monov uchun “Katta dubulg‘a” turnirlaridagi ilk medal hisoblanadi.
Afsuski, bugun ishtirok etgan o‘rta vazn toifasidagi hamyurtlarimiz medallar uchun kurashni erta tark etishdi. Ertaga og‘ir vazn toifasidagi polvonlarimiz tatamiga chiqishadi.
