Angliyaning "Liverpul" klubi bosh murabbiyi Yurgen Klopp Diogu Jota va Roberto Firminolarning jarohatlari haqida ma’lumot berdi.
"Tarkibda ko‘plab o‘zgarishlarni amalga oshirdik, shunga majbur edik, chunki, Diogu va Firminolar bugungi o‘yinda maydonga tusha olmasdi. Biz hali ularni qachon maydonga qaytishini 100 foiz bilmaymiz.
"Dioguning holati birinchi qarashda yaxshiroq ko‘rinmoqda. Firmino esa o‘zini yomon his qilmagunicha unda jarohat borligini bilmagandik. Buni hammamiz ahamiyatsiz deb o‘yladik, ammo bu mushak jarohati bo‘lib chiqdi va buni davolash uchun qancha muddat kerakligi haqida hali ma’lumot olmadik.
"Ayni paytda ularni qachon maydonga qaytishini bilmayman, lekin shu narsa aniqki, ular keyingi o‘yinda ham yordam bera olmaydi", — Kloppning so‘zlaridan iqtibos keltirmoqda klub rasmiy sayti.
