"Yuventus" hujumchisi Alvaro Morata Chempionlar ligasi pley-off bosqichi o‘yinidan avval o‘z fikrlari bilan o‘rtoqlashdi va chap qanotda o‘ynash unga qulaymi degan savolga javob berdi.
“Bizda hali ko‘p maqsadlar bor, biz ushbu turnirda g‘alaba qozonishni orzu qilyapmiz va buning uchun har kuni qattiq mehnat qilamiz. Qanchalik uzoqqa borishimiz mumkinligini aytish qiyin – bu turnirda bir necha daqiqalar hammasini hal qilishi mumkin. Biz har bir o‘yinda borimizni berishimiz kerak.
Mening o‘yinda harakatlanadigan pozisiyam muhim emas. Asosiysi, “Yuventus” g‘alaba qozonishi. Ertaga bizda muhim imtihon bor. Chempionlar ligasida g‘alaba qozonish qiyin, lekin bizni mag‘lub etish ham oson bo‘lmaydi", - dedi Morata UEFA rasmiy saytiga.
