"Ювентус" ҳужумчиси Альваро Мората Чемпионлар лигаси плей-офф босқичи ўйинидан аввал ўз фикрлари билан ўртоқлашди ва чап қанотда ўйнаш унга қулайми деган саволга жавоб берди.
“Бизда ҳали кўп мақсадлар бор, биз ушбу турнирда ғалаба қозонишни орзу қиляпмиз ва бунинг учун ҳар куни қаттиқ меҳнат қиламиз. Қанчалик узоққа боришимиз мумкинлигини айтиш қийин – бу турнирда бир неча дақиқалар ҳаммасини ҳал қилиши мумкин. Биз ҳар бир ўйинда боримизни беришимиз керак.
Менинг ўйинда ҳаракатланадиган позициям муҳим эмас. Асосийси, “Ювентус” ғалаба қозониши. Эртага бизда муҳим имтиҳон бор. Чемпионлар лигасида ғалаба қозониш қийин, лекин бизни мағлуб этиш ҳам осон бўлмайди", - деди Мората УЕФА расмий сайтига.
